Yesigye Yehova Kandi Okore Ebirungi

Otagirira enkozi z’ebibi eihari

37:1, 2

• Otaikiriza okutunguuka kw’enkozi z’ebibi okw’akaanya kakye kukuhuzya okaremwa kuheereza Yehova. Ta omutima aha kuheereza Yehova n’ebirungi ebiraarugyemu.

Yesigye Yehova kandi okore ebirungi

37:3

• Gira obwesigye ngu Yehova naija kukuhwera kusingura oburemeezi n’okwerarikirira kw’emiringo yoona. Kandi naija kukuhwera kuguma ori omwesigwa

• Guma oine bingi by’okukora omu kubuurira amakuru marungi g’Obukama bwa Ruhanga

Oshemerererwe omuri Yehova

37:4

• Taho obwire bw’okushoma Ekigambo kya Ruhanga kandi oteekateeke aha bi waashoma oine ekigyendererwa ky’okwongyera kumanya gye Yehova

Orugyendo rwawe orwegyekyerere Yehova

37:5, 6

• Yesigire kimwe ngu Yehova naija kukuhwera omu buremeezi bwona obu oraatungye

• Guma oine emitwarize mirungi waaba noohiiganisibwa nari noobonabonesibwa

Huumurira omuri Yehova omutegyereze n’okugumisiriza

37:7-9

• Yetantare ebirikubaasa kukumaraho okushemererwa kandi okafeerwa omukago gwawe na Yehova

“Abacureezi baryahungura ensi”

37:10, 11

• Ba omucureezi kandi oyesigye Yehova kuhitsya obu araamareho obutari buringaniza obukuhikireho

• Hwera ab’eishe-emwe, kandi ohuumurize abaine amaganya orikubagambira ebirikukwata aha nsi ensya ei Ruhanga ari haihi kureetaho