Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Jenwari

“Abantu abamwe baine emiteekateekyere etarikushushana erikukukwata ahari Ruhanga. Abamwe nibagira ngu Ruhanga n’amaani agatarikwetegyerezibwa. Abamwe nibamutwara nka tataitwe ow’omu iguru oine rukundo. Iwe nooteekateeka ngu Ruhanga ari mu muringo ki?” [Tegyereza agarukyemu.] Mworekye ebiri enyima ya Watchtower eya Jenwari 1, reero muhikaanise ebiteekateeko hamwe aha kibuuzo eky’okubanza, mushome n’ekyahandiikirwe kimwe aha byorekirwe. Muhe na Awake! kandi otebeekanise kugarukayo mugarukemu ekibuuzo ekindi.

Omunaara gw’Omurinzi Jenwari 1

“Okufeerwa omukundwa n’enshonga erikutukwataho tweena. Nooteekateeka ngu okufeerwa munywani waawe nari omunyabuzaare n’ekintu ekyorobi kwemera? [Tegyereza agarukyemu.] Baingi bahuumuriziibwe orunyiriri oru kuruga omu Baibuli. [Shoma Isaaya 25:8.] Magaziini egi neegamba aha kiraganiso ky’omu Baibuli eky’okumariraho kimwe rufu n’okuzooka kw’abakundwa baitu.

Awake! Jenwari

“Noobaasa kwikiriza ngu obunaku obu hariho bingi ebirikwerarikiriza omu maka? [Tegyereza agarukyemu.] Egi enfumu y’omu Baibuli neeyoreka ebirikubaasa kureetera eka kwombekwa kandi ekahamira kimwe. [Shoma Enfumu 24:3.] Baingi bashangire ngu Baibuli erimu obwengye oburikwesigwa. Magaziini egi neeyoreka Omukura gw’omutaano oguriho obuhabuzi kuruga omu Baibuli oburikuhwera amaka.”