Oyeteekateekire Kweshongorera Yehova omu Nteerane Zaitu?
1 Okwetebeekanisa kwejumba omu nteerane z’ekibiina nikutwariramu n’okwetebeekanisa kweshongora ebyeshongoro by’okuhimbisa. Teekateeka aha buhabuzi obu ahaifo.
2 Yetegyereze Ebigambo: Ekyahandiikirwe ekikuru n’ebyahandiikirwe ebindi ebiri aha muheru gwa buri kyeshongoro nibihamya ngu ebigambo byakyo nibiruga omuri Baibuli.
3 Yemanyiize: Buri wiiki omu Kuramya kw’Eka nimubaasa kukoresaho obwire bukye kwemanyiiza ebyeshongoro ebisya. Mweshongore murikukuratira ebyeshongoro ebiri omu maraka g’enanga ebiraabe nibiza kukoresibwa omu nteerane eza saabiiti egyo. Noobaasa kwega amaraka g’ebyeshongoro n’ebigambo by’ebyeshongoro ebisya orikuhurikiza ebiri ahari Mweshongorere Yehova—Ebiri omu Maraka n’Ebigambo, Disc 1.
4 Wiikenda egi noija kuba oyeteekateekire kukoresa Mweshongorere Yehova omu kwega Watchtower okw’ekibiina? Noija kuba oyeteekateekire ku oraatware obwire oketegyereza amakuru g’ebyeshongoro kandi okemanyiiza kubyeshongora.