Ebi Turikubaasa Kugamba Turikugaba Zaamagaziini

The Watchtower Gyuraayi 1

“Nooteekateeka ngu nikibaasika okugira obusingye omu mutima omu bwire obu obw’akabi? [Tegyereza agarukyemu.] Yetegyereze eki Baibuli erikugamba omu Abafilipi 4:6, 7. [Bimushomere.] Ebiri ahansi y’omutwe ogu nibishoboorora oku turikubaasa kutunga obusingye obu Ruhanga arikuha.” Mworekye ebirikutandikira aha rupapura 10.

Awake! Gyuraayi

“Baingi ahariitwe nitusiima abazaire baitu ahabw’ebi baatwegyeise. Nooteekateeka ngu ni kibi okushwijuma enyegyesa z’ediini ezi twegire kuruga omu buto? [Tegyereza agarukyemu reero omushomere 1 Yohaana 4:1.] Ebiri ahansi y’omutwe ogu nibyoreka yaaba kigwire okuruga omu diini okaza omu ndiijo.” Mworekye ebirikutandikira aha rupapura 28.

The Watchtower Agusto 1

“Abamwe nibagira ngu ediini zoona n’emihanda etarikushushana kwonka yoona erikuhitsya ahari Ruhanga omwe. Nooteekateeka ngu ediini zoona zihikire? [Tegyereza agarukyemu, reero omushomere Matayo 7:13, 14.] Magaziini egi neeyoreka ebintu bishatu ebi Baibuli erikugira ngu ediini nungi eshemereire kwebembeza.”

Awake! Agusto

“Twena turahikirweho oburemeezi bw’okushoroorwa omu bantu. Nooteekateeka ngu Ruhanga naareeba ata okushoroora omu bantu? [Tegyereza agarukyemu, reero omushomere Ebyakozirwe 10:34, 35.] Baibuli neebaasa kutuhwera kugira okugumisiriza twaba nitushoroorwa. Kandi neetuhwera kweihamu omuze gw’okushoroora omu bantu ogwakuba guturimu. Magaziini egi neeshoboorora aha nshonga egyo.”