Ekicweka 9

Ensi Neija Kuhinduka Ryari Paradiso?

Baibuli ira ekagamba aha bintu ebiriyo nibibaho omu bunaku obu. Ekagira ngu abantu bakaba nibaija kuba abakunzi b’empiiha, abarikugomera abazaire baabo, enshaarizi kandi abarikukunda munonga eby’okweshemeza.

Hakaba nihaija kubaho emitsitsa y’amaani, engamba, eibura ry’eby’okurya n’endwara omu myanya mingi. Ebi nibibaho omu bunaku obu.

Kandi, Yesu akagira ngu amakuru marungi g’Obukama gakaba nigaija kubuurirwa omu nsi yoona.​—Matayo 24:14.

Oburemeezi oburi omu nsi nibworeka ngu Obukama bwa Ruhanga buri haihi kwija. Luka 21:10, 11; 2 Timoseo 3:1-5

Yehova ari haihi kucwekyereza ababi boona.

Sitaane na baadaimoni nibaija kufubirwa.

Abo abarikuhurikiza Ruhanga nibaija kuhonokaho baze omu nsi ensya ey’okuhikiirira, etarimu ebirikutiinisa ei abantu bariba nibeesigana kandi barikukundana.

Obukama bwa Ruhanga nibwija kwihaho obubi bwona. 2 Petero 3:13

Yesu akagamba ki ebyabaire nibiija kubaho omu bunaku obu?​—Matayo 24:3-14.

Ababi nibaija kucwekyerezibwa.​—2 Petero 3:7.