Yesu Naija Kumaraho Entaro

Obu Yesu yaabaire ari omu nsi, akooreka ngu naakunda abantu munonga, yaahika n’aha kuhayo amagara ge ahabwabo. (Matayo 20:28; Yohaana 15:13) Juba, naija kugaruka kworeka rukundo ei ainiire abantu, arikukoresa obushoboorozi bwe nk’Omugabe w’Obukama bwa Ruhanga, kumaraho entaro “okuhika aha muheru gw’ensi.”—Zaaburi 46:9.

Yetegyereze oku Baibuli erikushoboorora ebi Yesu araakore:

• ‘Naija kujuna omukyene, ku araamutakire, n’omworo otaine kihwera. Naija kusaasira abooro n’abakyene, kandi amagara g’enshoberwa agajune. Naija kucungura amagara gaabo, agaihe omu kubonabonesibwa n’omu mwaga.’—Zaaburi 72:12-14.

Nitubaasa kworeka tuta ngu nitusiima byona ebi Yesu yaaherize kukora n’ebi arikwija kutukorera? Omuringo gumwe oku turikubaasa kworeka okusiima kwaitu n’okwega ebirikukiraho aha butumwa obu yaabuuriire oburikukwata aha“bigambo ebirungi by’Obukama bwa Ruhanga.” (Luka 4:43) Shoma ekicweka “What is the Kingdom of God?”