Ebirimu

Okweshongora kitwire kiri ekicweka kikuru eky’okuramya kw’abaheereza ba Yehova. Kwonka, abamwe nibabaasa kwetiina kweshongora bari n’abandi. Nitubaasa kwega tuta kweshongora eby’okuhimbisa Yehova twine obumanzi? Ekicweka eki kirimu enshonga ezishemereire kutureetera kweshongora tushemereirwe, kandi kirimu n’obuhabuzi oku turikubaasa kushemeza eiraka ryaitu ery’okweshongora.

Endembo z’okuhungiramu eza Israeli eya ira nitubaasa kuzeegyeraho amashomo amakuru. Omu kicweka eky’okubanza, yetegyereze oku abasiisi barikubaasa kuhindura Yehova obuhungiro bwabo ebiro ebi. Omu kicweka ekya kabiri, yetegyereze oku eky’okureeberaho kya Yehova kirikutuhwera kusaasira abandi, kuha amagara ekitiinisa, kandi tukatwaza omu muringo gw’oburingaaniza.

Ebaruha ezi ibiri nizeegamira aha baruha ei Paulo yaahwereirwe kuhandiikira Abakristaayo ba Kolosai. Ekicweka eky’okubanza nikishoboorora eki twine kukora twahurira emiteekateekyere y’ensi kandi erikureebeka nk’ey’oburyo. Ekicweka ekya kabiri nikishoboorora oku turikubaasa kwangira emiteekateekyere erikubaasa kuturemesa kutunga emigisha ya Yehova.