Yesu “Akeega Kworoba”

Yesu atwire naayorobera Yehova. (Yoh. 8:29) Mbwenu shi ahabw’enki Baibuli ngu: “Akeega kworoba omu bi yaabonabonesiibwemu”?—Heb. 5:8.

Obu yaabaire ari omu nsi, akaraba omu mbeera ezaabaire zitari mu iguru. Akoororwa abazaire abatahikiriire kwonka abaabaire bahamiire aha kuheereza Yehova. (Luk. 2:51) Akabonabonesibwa abanyadiini n’abeebembezi endyarya. (Mat. 26:59; Mak. 15:15) Kandi ‘akeecureeza, yaayoroba okuhika aha kufa,’ omu busaasi bw’amaani.—Fil. 2:8.

Ebi yaarabiremu omu nsi bikamwegyesa kworoba omu muringo ogu yaabaire atakakikorahoga akiri omu iguru. N’ahabw’ekyo akaba Omugabe ohikiriire, kandi Omunyamurwa Omukuru orikubaasa kwetegyereza ebi turikurabamu. (Heb. 4:15; 5:9) Okubonabona oku Yesu yaarabiremu kukamuhwera kwega kworoba n’okwongyera kuba ow’omuhendo ahari Yehova. Naitwe nitubaasa kwongyera kuba ab’omuhendo ahari Yehova kandi tube ab’omugasho omu murimo gwe, twayoroba n’omu mbeera zigumire.—Yak. 1:4.