Okwijuka Ebyahandiikirwe

Haine obu oragumiirwe kwijuka ekyahandiikirwe eki orikukunda? Nikibaasa kuba kiri ekyahandiikirwe ekirikukuhumuriza, nari ekirikukuhwera kusingura ebiteekateeko bitahikire nari eki orikwenda kugambiraho omuntu ondiijo. (Zab. 119:​11, 111) Teekateeka ahari bimwe ebirikubaasa kukuhwera kwijuka ebyahandiikirwe.

• Koresa ekicweka eky’okuramba omu app ya JW Library^®. Ramba ekicweka okyete “Ebyahandiikirwe ebi ndikukunda” reero ogume otemu ebyahandiikirwe ebi orikwenda kwijuka.

• Ekyahandiikirwe kite ahu orikubaasa kukireeba. Handiika ekyahandiikirwe eki orikwenda kwijuka aha kapapura reero okite ahu orikubaasa kuguma nookireeba. Abamwe nibakita aha ndeeberwamu, abandi aha rwigi rwa furiigi. Kandi abandi nibakiteera ekishushani bakita aha sikuriini y’esimu nari eya kompyuta.

• Handiika aha kaada. Handiika eshuura n’omushororongo gw’ekyahandiikirwe aha rubaju rumwe orwa kaada reero aha rubaju orundi ohandiikyeho ebigambo by’ekyahandiikirwe. Bwanyima teeraho kwijuka ekyahandiikirwe orikureeba aha ebigambo byakyo ebiri aha rubaju rwa kaada orumwe reero oreebe yaaba noijuka omushororongo ahu kiri.