Gira Omwanya Murungi gw’Okweyegyesezamu

Okaayenzire kugasirwa munonga omu kweyegyesa? Noobaasa kukoresa obukoryo obu kubaasa kugira omwanya murungi gw’okwegyeramu:

• Toorana omwanya murungi. Kyaba nikibaasika, toorana omwanya ogucumire gye kandi ogurimu ekyererezi kirikumara. Noobaasa kushutama aha meeza omu nju, nari aheeru.

• Yehereere. Yesu akacwamu ‘kwimuka bukiri nyekiro’ kushaba ari “omu mwanya ogwekiikire.” (Mak. 1:35) Waaba otarikubaasa kwehereera, noobaasa kumanyisa ab’eka yaawe nari abu orikutuura nabo entebeekanisa yaawe kugira ngu batakakuteganisa.

• Yetantare ebirikuhuzya. Waaba nookoresa esimu yaawe nari tabuleti omu kweyegyesa, gite omu muringo ogutarakuhuzye. Kandi waijuka eki orikwenda kukora, kihandiikye kugira ngu okikore bwanyima. Waagumirwa kuguma otaire omutima aha bi orikweyegyesa, imuka ogyendagyende nari oyenanuure.