MEI 25-31

ISAAYA 65-66

Ekyeshongoro 24 n’Okushaba | Ebigambo Ebirikwiguraho Oruteerane (Dak. 1)

EBY’OMUHENDO EBIRI OMU KIGAMBO KYA RUHANGA

1. Nitukunda Paradiso Yaitu y’Eby’omwoyo!

(Dak. 10)

Omu paradiso y’eby’omwoyo, abaheereza ba Ruhanga baine eby’okurya bingi by’omwoyo (Isa 65:13; w24.04 21 kacw. 5)

Paradiso yaitu y’eby’omwoyo neetuhwera kwemera obusaasi n’amaganya (Isa 65:14-17; w24.04 22 kacw. 9-10)

Omu nsi tiharimu busingye n’oburinzi nk’obu twine (Isa 65:25; w24.04 23 kacw. 13)

EKI KIRIKUMANYISA: Ebigambo “paradiso y’eby’omwoyo” nibimanyisa embeera ei turikuramizamu Yehova. Omu paradiso ey’eby’omwoyo, nituba twine omukago murungi na Yehova na bagyenzi baitu.

Ebishushani: Ab’eishe-emwe na banyaanyazi-itwe barikugasirwa omu birungi by’omu paradiso ey’eby’omwoyo. 1. Barikugaaniira hamwe bashemereirwe aha Kyombeko ky’Obukama. 2. Nibashemererwa kukorera hamwe aha Kyombeko ky’Obukama. 3. Ow’eishe-emwe okuzire naagumya ow’eishe-emwe omuto obwo bari omu kihome. Aha kisiika hariho bwa kaada n’amabaruha kuruga aha b’eishe-emwe na banyaanyazi-itwe. 4. Ow’eishe-emwe n’omukazi we barikutaayaayira munyaanyazi-itwe orwaire omu irwariro. Ow’eishe-emwe akwaitse ekiibo ekirimu ebijuma n’ebimuri kandi omukazi we akwaitse munyaanyazi-itwe omu ngaro.

2. Ebi Twegire omu Kushoma Baibuli

(Dak. 10)

Isa 66:24—Omushororongo ogu nigutuhwera guta kwetegyereza ebi Yesu yaagambire ahari Gehena ebiri omu Mako 9:47, 48? (ijwbq-E ekicweka 76 kacw. 10)

Eky’okugarukamu kyawe
Ni biiha ebi oyegire omu kushoma Baibuli okwa saabiiti egi?

Eky’okugarukamu kyawe

3. Okushoma Baibuli

(Dak. 4) Isa 65:17-25 (th eishomo 10)

YONGYERA AHA BUKORYO BWAWE OMU KUBUURIRA

4. Okutandika Ekigaaniiro

(Dak. 3) OKUBUURIRA OMU RWETEERAINE. Sherura oburyo bw’okugambira omuntu ngu ori omwe aha Bajurizi ba Yehova. (lmd eishomo 5 enshonga 3)

5. Okutandika Ekigaaniiro

(Dak. 2) OKUBUURIRA OMU RWETEERAINE. Omuntu naayenda kuteera empaka naiwe. (lmd eishomo 4 enshonga 5)

6. Okutandika Ekigaaniiro

(Dak. 3) ENJU AHA NJU. Koresa turakiti kutandika ekigaaniiro. (lmd eishomo 1 enshonga 4)

7. Okushoboorora Enyikiriza Zaawe

(Dak. 3) Eky’okureeberaho. ijwbq-E ekicweka 87—Omutwe: Antikristo n’Oha? (th eishomo 17)

EBI ABAKRISTAAYO TWINE KUKORA

Ekyeshongoro 80

8. Oyerarikiriire aha Kucwamu Kuheereza Yehova omu Buheereza obw’Obutwire?

(Dak. 15) Okuhikaanisa ebiteekateeko.

Ebishushani: Ebishushani kuruga omu vidiyo “Noija Kukora ki Ahabw’amakuru Marungi?” 1. Ow’eishe-emwe Tomohiro Nishimura ari aha Beseeli naakora omu kukwatanisa ebitabo. 2. Munyaanyazi-itwe Happiness Mabho ari aha ofiisi y’abavunuuzi naakorera aha kompyuta. 3. Rayner na Keziah Fernando barikuramutsya ow’eishe-emwe aha ofiisi y’eitaagi ahu barikuheereza omu murimo gw’okwombeka. 4. Ow’eishe-emwe George Telan, Jr., naakorera hamwe n’ab’eishe-emwe abandi abarikukora omu kitongore ky’Obuheereza aha Beseeli. 5. Munyaanyazi-itwe Ramona Welsch arikwegyesa omuntu Baibuli.

Nooteekateeka kuza omu buheereza obw’obutwire? Nooyerarikirira ngu waakora ekyo, noobaasa kufeerwa ebintu bingi? Nari orayebuurizeho oti: ‘Abaheereza ba Yehova boona ku baraabe nibaija kutunga amagara agatahwaho, ahabw’enki nyine kwefeerereza kwongyera aha buheereza bwangye?’ Ku kiraabe nikwo kiri, ijuka ngu Yehova ‘taine kirungi kyona eki arikwima’ abo abarikumwesiga. (Zab 84:11, 12) Ku turikweziringa kuha Yehova ekirikukirayo oburungi, nitufeerwa emigisha erikutureetera kushemererwa.

Yehova naatuha emigisha hati kandi naija kugituha na nyentsya. Zaana VIDIYO Noija Kukora ki Ahabw’amakuru Marungi? Reero obuuze abahurikiize oti:

Eminyeeto egi ekatunga migisha ki ahabw’okwehayo kwongyera aha buheereza?

Eky’okugarukamu kyawe

Mbwenu shi embeera yaawe ku yaakuba etarikukubaasisa kuza omu buheereza bw’obutwire? Ijuka ngu, Yehova naaha emigisha abo abarikumuha ekirikukirayo oburungi. N’ahabw’ekyo gumizamu noomuha ekirikukirayo oburungi, orikumanya ngu naija ‘kukushukaho omugisha, obure n’ah’okuguta.’—Mal 3:10.

9. Okwega Baibuli okw’Ekibiina

(Dak. 30) lfb eishomo 88-89