APURI 1-7
ZAABURI 23-25
Ekyeshongoro 4 n’Okushaba | Ebigambo Ebirikwiguraho Oruteerane (Dak. 1)
1. Yehova “Niwe Muriisa Wangye”
(Dak. 10)
Yehova naatwebembera kandi aturinda (Zab 23:1-4; w22.01 3-4 kacw. 5-6)
Yehova naaturiisa (Zab 23:5; cl-LU 76 kacw. 21)
Yehova naareeberera abaheereza be nk’oku omuriisa oine rukundo arikureeberera entaama ze.
YEBUUZE OTI: ‘Yehova andebereire ata?’
2. Eby’omuhendo eby’Omwoyo
(Dak. 10)
Zab 23:3—‘Emihanda y’okuhikiirira’ neeha, kandi niki ekiraatuhwere kugigumamu? (w11-LU 2/15 24 kacw. 1-3)
Ni by’omuhendo ki ebi otungire omu kushoma Baibuli okwa saabiiti egi?
3. Okushoma Baibuli
(Dak. 4) Zab 23:1–24:10 (th eishomo 5)
4. Okutandika Ekigaaniiro
(Dak. 3) OKUBUURIRA KITARAARIIRE. Yoreka omuntu ekyahandiikirwe owaakugira ngu berarikiriire aha by’obuhangwa. (lmd eishomo 2 enshonga 5)
5. Okugarukayo
(Dak. 4) ENJU AHA NJU. Yoreka owaikiriize akatabo Yesiimire Amagara Ebiro Byona! oku turikwegyesa Baibuli. (lmd eishomo 9 enshonga 3)
6. Okuhindura Abantu Abeegi
Ekyeshongoro 54
7. Nitwangira Eiraka ry’Abu Tutarikumanya
(Dak. 15) Okuhikaanisa ebiteekateeko.
Entaama nizimanya eiraka ry’omuriisa waazo kandi nizimukuratira. Kwonka, ou zitarikumanya iraka rye nizimuhunga. (Yoh 10:5) Nikyo kimwe, nituhurikiza eiraka rya Yehova na Yesu abariisa baitu omu by’omwoyo abaine rukundo kandi abeesigwa. (Zab 23: 1; Yoh 10:11) Kwonka nitwanga kuhurikiza eiraka ry’abu tutarikumanya abarikuteeraho kutuubya okwikiriza kwaitu barikukoresa “ebigambo by’ebishuba.”—2Pet 2:1, 3.
Okutandika eshuura ya kashatu nihooreka omurundi gw’okubanza obu iraka ry’otarikumanywa ryahurirwa omu nsi. Sitaane akagamba na Haawa arikurabira omu njoka kugira ngu atamanya ou yaabaire naagamba nawe. Arikweshushaniriza kuba munywani we, akagamba ebitahikire aha kikwatiraine n’ebigambo bya Yehova n’ebigyendererwa. Eky’obusaasi, Haawa akahurikiza, ekyareeteire we n’eka ye kubonabona.
Obunaku obu Sitaane naateeraho kutureetera kubangaanisa Yehova n’ekibiina kye arikugamba ebitahikire, amazima g’ekicweka, n’ebishuba. Twahurira eiraka ry’ou tutarikumanya, tushemereire kuhunga! Okuteeraho kumuhurikiza, nangwa kumara n’akiire kakye ahabw’okwenda kumanya, n’eky’akabi. Sitaane akakoresa ebigambo bingahi kubaasa kuhabisa Haawa omu kigaaniiro kyabo kigufu? (Kut 3:1, 4, 5) Mbwenu shi, omuntu ou turikumanya kandi orikutukunda oine ebigyendererwa birungi ku yaakwenda kutugambira ebitahikire aha kibiina kya Yehova?
Zaana VIDIYO Yangira Eiraka ry’Abu Otarikumanya. Reero obuuze abahurikize oti:
Waayegyera ki aha ku Jade yaatwarize, nyina otari mu mazima ku yaateireho kumugambira ebitahikire aha kibiina kya Yehova?