Obwesigwa Hamwe n’Ebiteekateeko Byaitu

Nitworeka ngu turi abeesigwa ti mu bigambo n’omu bi turikukora byonka kureka n’omu bi turikuteekateeka. (Zab 19:14) N’ahabw’ekyo Baibuli neetuhiga kuteekateeka ahari byona eby’amazima, ebishemereire kuheebwa ekitiinisa, eby’oburyo, ebishemeire, ebirikushemeza, ebirikusiimwa, ebirungi, na byona ebishemereire kuhimbisibwa. (Fil 4:8) N’amazima titurikubaasa kwetantara kugira ebiteekateeko bibi. Kwonka, okwerinda nikubaasa kutuhwera kweihamu ebiteekateeko bibi reero tugire ebishemeire. Okuguma turi abeesigwa omu biteekateeko byaitu nikiza kutuhwera kuguma turi abeesigwa n’omu bi turikukora.—Mak 7:21-23.

Ahari buri kyahandiikirwe ekiri ahaifo, handiika emiteekateekyere ei tushemereire kwetantara:

Rom 12:3

Luk 12:15

Mat 5:28

Fil 3:13