EBI ABAKRISTAAYO TWINE KUKORA
Abazaire—Muhwere Abaana Baanyu Kugira Obwengye bwa Ruhanga
Gumwe aha miringo mirungi oku Abazaire barikubaasa kuhwera abaana baabo kugira obwengye bwa Ruhanga, n’okubahwera kugasirwa omu nteerane z’Ekikristaayo. Ebi abato barikureeba, bakahurira, n’ebi barikugarukamu omu nteerane nibibaasa kubahwera kwega ebirikukwata ahari Yehova kandi babe banywani be. (Bir 31:12, 13) Waaba ori omuzaire, noobaasa kuhwera ota omwana waawe kugasirwa omu nteerane?
Teeraho kuza omu nteerane aha Kyombeko ky’Obukama.—Zab 22:22
Teeraho kumara obwire n’ab’eishe-emwe na banyaanyazi-itwe aha Kyombeko ky’Obukama oruteerane rutakatandikire na bwanyima y’okuhendera.—Heb 10:25
Hamya ngu buri omwe omu ka yaawe aine ebitabo ebirikukoresibwa omu nteerane, yaaba aha kyoma nari ebiteirwe
Hwera omwana waawe kutebeekanisa eky’okugarukamu omu bigambo bye.—Mat 21:15, 16
Gamba gye aha nteerane n’aha bi turikwegayo
Hwera abaana baawe kwejumba omu bintu ebimwe nk’okuboneza Ekyombeko ky’Obukama n’okugaaniira n’abakuzire omu kibiina
Okuhwera abaana baawe kwirira haihi Yehova nikyetengyesa kuteeraho munonga, kandi obumwe nikibaasa kureebeka nk’ekitoorobi. Kwonka, noobaasa kugira obwesigye ngu Yehova naaza kukuhwera.—Isa 40:29.
MUREEBE VIDIYO ABAZAIRE, MWESIGYE YEHOVA N’AMAANI GE, REERO MUGARUKYEMU EBIBUUZO EBI:
Zack na Leah bakakwatwaho bata oburuhe?
Ahabw’enki abazaire baine kwesiga Yehova kubaha amaani?
Zack na Leah bakeesiga Yehova kubahwera mu miringo ki?