Okushaba Kwaitu N’okw’Omuhendo Ahari Yehova

Okushaba okurikusiimwa ni nk’omugaju murungi ogu baabaire booteerera butoosha omu maisho ga Yehova omu hekalu. (Zab 141:2) Twayoreka ngu nitukunda Tataitwe ow’omu iguru kandi nitumusiima, tukamugambira oburemeezi bwaitu n’ebyetengo byaitu, kandi tukamushaba obuhabuzi, nitworeka ngu nitutwara omukago gwaitu nawe nk’ogw’omuhendo. Kandi, Yehova naareeba okushaba kugufu okurikuheebwayo omu nteerane zaitu nk’ekicweka kikuru omu kuramya kwaitu. Kwonka, Yehova naashemererwa munonga twamushaba twihire aha mutima kandi tukagamba nawe kumara obwire buraingwa.—Enf 15:8.

MUREEBE VIDIYO NINTA OMUTIMA AHA KUSHABA, REERO MUGARUKYEMU EBIBUUZO EBI:

• Ow’eishe-emwe Johnson akatunga bujunaanizibwa ki omu buheereza?

• Ow’eishe-emwe Johnson akeesiga ata Yehova arikushaba?

• Ow’eishe-emwe Johnson noomwegyeraho mashomo ki?