TEERAHO KWEJUMBA OMU KUBUURIRA | YONGYERA KUTUNGA OKUSHEMERERWA OMU BUHEEREZA BWAWE
Hika Abantu aha Mutima
Twine kworobera Ruhanga twihire aha mutima. (Enf 3:1) N’ahabw’ekyo, twaba nitwegyesa abantu, twine kuteeraho kubahika aha mutima. Tuta?
Otakayegyesa omwegi amazima ga Baibuli kyonka, kureka muhwere kwetegyereza oku ebi arikwega birikumukwataho n’oku birikukwata aha mukago gwe na Yehova. Muhwere kwetegyereza oku emitindo ya Baibuli erikworeka rukundo ya Yehova, oburungi bwe, n’okuhikiirira kwe. Omu muringo gw’obwengye mubuuze ebibuuzo ebiraamuhwere kuteekateeka aha bi arikwega. Muhwere kuteekateeka aha ku araagasirwe yaarekyera aho kugira emiteekateekyere mibi nari emize mibi. Waareeba omwegi naakunda Yehova, noija kwongyera kushemererwa.
MUREEBE VIDIYO TUNGA OKUSHEMERERWA OKURIKURUGA OMU KUHINDURA ABANTU ABEEGI—YONGYERA KUBUURIRA GYE—OKUHIKA ABANTU AHA MUTIMA, REERO MUGARUKYEMU EBIBUUZO EBI:
Ahabw’enki Neeta yaabuurize Jade ati: “Oteekateekiire aha bi tugaaniireho Orwokubanza?”
Neeta akahwera ata Jade kwetegyereza oku emisingye ya Baibuli erikworeka rukundo ei Yehova amwiniire?
Twahika ou turikwegyesa aha mutima, ekyo nikiza kumuhiga kugumizamu naatunguuka omu mazima
Neeta akahwera ata Jade kuteekateeka aha ku arikubaasa kworeka ngu naakunda Ruhanga?