Ruhanga na Kristo Nibaza Kutucungura omu Biro by’Omumaisho

Ni mbeera ki ezigumire ezi orikwemera buri izooba? Ori omutwe gw’eka orikuteeraho kuhikiiriza obujunaanizibwa bwingi? Ori omuzaire omwe orikuteeraho kureeberera eka yaawe? Ori omunyeeto orikugyemeserezibwa ab’orwingano rwawe aha ishomero? Oine amagara mabi nari noogumisiriza emyaka ya bukuru? Buri omwe aine oburemeezi. Abakristaayo baingi nibahikwaho okugyezibwa kw’emiringo mingi omu bwire nibwo bumwe. Kwonka nitumanya ngu juba nituza kucungurwa kuruga omu kugyezibwa oku kwona.—2Kor 4:16-18.

Kwonka eki kitakabaireho, nikituhuumuriza kumanya ngu Yehova naayetegyereza embeera yaitu, naasiima obwesigwa bwaitu n’okugumisiriza kandi ngu naaza kutuha emigisha. (Yer 29:11, 12) Yesu nawe naatufaho. Twaba nituhikiiriza obujunaanizibwa bwaitu, naatuhamiza ati: “Ndi hamwe naimwe.” (Mat 28:20) Twagira obwire tukateekateeka aha ku turaacungurwe Obukama bwa Ruhanga bwaba nibutegyeka, nituhamya amatsiko gaitu kandi nitumariirira kugumisiriza okugyezibwa kwaitu hati.—Rom 8:19-21.

MUREEBE VIDIYO OBU EIHUNGA RIRI HAIHI, HAMIRA AHARI YESU!—EMIGISHA EI OBUKAMA BURAAREETE, REERO MUGARUKYEMU EBIBUUZO EBI:

• Abantu bakataanisibwa bata ahari Ruhanga kandi harugiremu ki?

• Abarikuguma bari abeesigwa ahari Yehova nibaija kutunga migisha ki omu biro by’omumaisho?

• Ebirungi ebi ebiraabeho omu biro by’omumaisho nibibaasika bita?

• Ni migisha ki ei oyiniire ekihika omu nsi ensya?