EBY’OMUHENDO EBIRI OMU KIGAMBO KYA RUHANGA | OKURUGA 39-40

Musa Akakuratira Ebiragiro bya Yehova

39:32, 43; 40:1, 2, 16

Musa akakuratira obuhabuzi bwa Yehova bwona obwabaire nibukwata aha kwombeka eihema. Naitwe twine kuhurikiza obuhabuzi bwona obu ekibiina kya Yehova kirikutuha kandi tukabugyenderaho juba. N’obu twakuba nituteekateeka ngu tiburi bukuru, nari tutarikwetegyereza ahabw’enki turikubuheebwa, twine kuteeraho kubugyenderaho.—Luk 16:10.

Ahabw’enki twine kuhurikiza kandi tukagyendera aha buhabuzi . . .

obu turikuheebwa omu nteerane z’okubuurira?
oburikukwata aha kwetebeekanisiza okutunga obujanjabi obwa ahonaaho?
oburikukwata aha kwetebeekanisiza ebihikiirizi?

Ebishushani: Ab’eishe-emwe na banyaanyazi-itwe barikukuratira obuhabuzi obu baatungire. 1. Guruupu erikubuganira aha ibaraza ry’enju omu ruteerane rw’okubuurira. 2. Munyaanyazi-itwe arikuhandiika ebi acwiremu aha by’obujanjabi. 3. Ab’eka emwe barikuta ebintu omu nshaho.