Himbisa Yehova Orikuba Payoniya

Abaisraeli bakaba baine enshonga nungi z’okuhimbisa Yehova. Akabaiha omuri Misri kandi yaabajuna amahe ga Faraho. (Kur 15:1, 2) Yehova naagumizamu kukorera abaheereza be ebirungi. Nitubaasa kworeka tuta ngu nitusiima?​—Zab 116:12.

Omuringo gumwe n’okuba payoniya omuhwezi nari payoniya ow’obutwire. Noobaasa kushaba Yehova kukuhwera kugira ekyetengo n’amaani g’okuba payoniya. (Fil 2:13) Baingi nibatandika bari baapayoniya abahwezi. Noobaasa kucwamu kukora eshaaha 30 nari 50 omu kwezi kwa Maaci na Apuri n’omu kwezi obu omureeberezi orikutaayaayira ebibiina arikuba ataayaayiire ekibiina kyanyu. Bwanyima y’okuroza aha kushemererwa okurikuruga omu kuba payoniya omuhwezi, noobaasa kwenda kuba payoniya ow’obutwire. N’abarikukora obwire bwingi aha mirimo nari abataine magara marungi babaasize kuba baapayoniya ab’obutwire. (mwb16.07 8) Buzima, Yehova ashemereire okuteeraho kwaitu kwona kumuhimbisa.​—1Bus 16:25.

MUREEBE VIDIYO ENYINEEMWE BASHATU OMURI MONGOLIA, REERO MUGARUKYEMU EBIBUUZO EBI:

• 

  Ni buremeezi ki obu enyineemwe baasingwire kubaasa kuba baapayoniya?

• 

  Batungire migisha ki?

• 

  Bakatunga migisha ki endiijo ey’okuheereza Yehova ahabw’okuba baapayoniya ab’obutwire?

• 

  Eky’okureeberaho kyabo kikwatsire kita aha bandi?