Yehova Naarinda Abaheereza Be

Okuhingurwaho okwabandize gukaba guri omukoro mukuru munonga. Aha kiro ekyo, bwanyima ya Faraho kumanya ngu omwana we w’omujigaijo afiire, akagambira Musa ati: “Mwimukye, murugye omu bantu bangye, imwe n’Abaisraeli; mugyende muheereze Mukama, nk’oku mwagambire.” (Kur 12:31) Yehova akaba ayorekire ngu butoosha naahwera abaheereza be.

Twareeba ebyafaayo eby’Abajurizi ba Yehova eby’obunaku obu, nikireebwa butunu ngu Yehova naagumizamu kubarinda n’okubeebembera. Eki nikyorekwa omu kijukiro ekiri aha ofiisi enkuru ekirikwetwa “Abantu Abarikwetererwa Eiziina Yehova.”

MUREEBE VIDIYO OKURAMBURA AMAIJUKIRO GA WARWICK: “ABANTU ABARIKWETERERWA EIZIINA YEHOVA,” REERO MUGARUKYEMU EBIBUUZO EBI:

• 

  Kutandika n’omwaka gwa 1914, abeegi ba Baibuli bakakoresa kikoreso ki kwombeka okwikiriza kwabo omu Baibuli, kandi kikabahwera kita?

• 

  Hakabaho kugyezibwa ki omu mwaka gwa 1916 na 1918, kandi ni buhame ki oburikworeka ngu Yehova akaba naayebembera ekibiina kye?

• 

  Abaheereza ba Yehova bagumire bata bari abeesigwa n’obu baraabe nibahiiganisibwa?

• 

  Ni nyetegyereza ki ensya ei Abaheereza ba Yehova baatungire omuri 1935, kandi eki kikabakwataho kita?

• Ku oraabe waarambwire ekijukiro eki, nari ofiisi y’eitaagi eyanyu, niki ekyayorekire ngu Yehova naayebembera abaheereza be kandi n’abarinda?