Oku Abari omu Bushwere Barikubaasa Kuhamya Obushwere Bwabo

Abrahamu na Saara n’eky’okureeberaho kirungi ky’abashweraine abaabaire nibakundana kandi barikuhaana ekitiinisa. (Kut 12:11-13; 1Pet 3:6) Kwonka, obushwere bwabo bukaba butahikiriire, kandi bakaba baine kugumisiriza oburemeezi. Abari omu bushwere nibabaasa kwegyera ki ahari Abrahamu na Saara?

Mugaaniire hamwe. Garukamu omu bucureezi ou ori nawe omu bushwere yaakugambira kubi ahabw’okugira ekiniga. (Kut 16:5, 6) Mutebeekanise kumara obwire hamwe. Yoreka omu bigambo n’omu bikorwa ngu nookunda ou ori nawe omu bushwere. Kandi ekirikukirayo, mugumizemu nimwombeka omukago gwanyu na Yehova murikweshomesa, murikushaba, kandi murikuramya hamwe. (Mub 4:12) Obushwere buhami nibuhaisa Yehova ekitiinisa, Owaatandikireho entebeekanisa egi erikwera.

MUREEBE VIDIYO OKU ORIKUBAASA KUHAMYA OBUSHWERE BWAWE, REERO MUGARUKYEMU EBIBUUZO EBI:

• Omu vidiyo egi, ni bumanyiso ki oburikworeka ngu Shaan na Kiara bakaba batakikwatanisa gye?

• Ahabw’enki okugaaniira oyihire aha mutima kiri kikuru omu bushwere?

• Eky’okureeberaho kya Abrahamu na Saara kikahwera kita Shaan na Kiara?

• Shaan na Kiara bakakora bintu ki kubaasa kuhamya obushwere bwabo?

• Ahabw’enki omushaija n’omukazi batashemereire kuteekateeka ngu obushwere bwabo nibwija kuba obuhikiriire?