“Ensi Yoona Ekaba Eine Orurimi Rumwe”

11:1-4, 6-9

Ahari Babeeli, Yehova akataataanisa abantu abagomi arikubareetera kugamba endimi zitarikushushana. Obunaku obu naarundaana abantu ab’omutwe muhango kuruga omu mahanga goona n’endimi zoona kandi abaha ‘orurimi orushemeire’ kugira ngu ‘babone kutakira eiziina rye baamuheereze n’omutima gumwe.’ (Zef 3:9; Kush 7:9) ‘Orurimi orushemeire,’ n’amazima agarikukwata ahari Yehova n’ebigyendererwa bye nk’oku birikworekwa omu Byahandiikirwe.

Okwega orurimi rusya nikikira aha kukwata ebigambo bisya omu mutwe. Nikyetengyesa okwega omuringo musya gw’okuteekateekamu. Nikyo kimwe, twaba nitwega amazima, nituhindura omu biteekateeko byaitu. (Rom 12:2) Okwega nikugumizamu kandi nikuhwera abaheereza ba Yehova kuguma baine obumwe.​—1Kor 1:10.