Ensi ‘Okumira Omwegyemure’

Omu bunaku butari bumwe na bumwe omu byafaayo, ab’obushoboorozi bakabaasa kuhwera abaheereza ba Yehova. (Ezr 6:1-12; Est 8:10-13) N’omu bunaku obu, nitureeba “ensi”​—ab’eby’obutegyeki b’ensi egi abaine emiteekateekyere eringaniire​—barikumira “omwegyemure” gw’okuhiiganisa ogurikureetwaho “ekijoka,” Sitaane Omuregi. (Kush 12:16) Yehova, “Ruhanga orikujuna,” obumwe naabaasa kureetera ab’eby’obutegyeki kuhwera abaheereza be.​—Zab 68:20; Enf 21:1.

Kwonka shi, ku waakuteebwa omu kihome ahabw’okwikiriza kwawe? Otakaagira okubangaanisa ngu Yehova tarikukureeba. (Kut 39:21-23; Zab 105:17-20) Gira obuhame ngu noija kutunga emigisha ahabw’okwikiriza kwawe kandi ngu okuguma ori omwesigwa nikihiga ab’eishe-emwe na banyaanyazi-itwe.​—Fil 1:12-14; Kush 2:10.

MUREEBE VIDIYO AB’EISHE-EMWE OMURI KOREA KURUGA OMU KIHOME, REERO MUGARUKYEMU EBIBUUZO EBI:

• Ahabw’enki kumara emyaka mingi ab’eishe-emwe bagyenzi baitu omuri South Korea baabaire bakomwa?

• Ni kucwamu ki oku kooti yaakozire okwareeteire baarekura bamwe aha b’eishe-emwe bagyenzi baitu batakamazire ekifubiro kyabo?

• Nitubaasa kuhwera tuta ab’eishe-emwe bagyenzi baitu omu nsi yoona abakomirwe ahabw’okwikiriza kwabo omu bunaku obu?

• Tushemereire kukoresa tuta obugabe obu twine omu obunaku obu?

• N’oha orikutuhwera kusingura emanja omu kooti?