EBI ABAKRISTAAYO TWINE KUKORA

Emitwarize Mirungi n’Okuha Ou ori Nawe omu Bushwere Ekitiinisa Nikibaasa Kumureetera Kukunda Amazima

Abakazi abarikuhinduka Abakristaayo nibareetera ba ibabo kukunda amazima ahabw’okugira emitwarize mirungi nk’eya Kristo. Kwonka, eki nikibaasa kwetengyesa okugumisiriza embeera zigumire kumara emyaka mingi. (1Pet 2:21-23; 3:1, 2) Waaba noohikwaho obutari buringaniza, ekibi gumizamu noosinguza ekirungi. (Rom 12:21) Baro naabaasa kutahurikiza ebi orikugamba ebirikukwata ahari Yehova, kwonka yaareeba emitwarize yaawe mirungi, naabaasa kugira emiteekateekyere mirungi aha mazima.

Teeraho kureeba enshonga nk’oku ou ori nawe omu bushwere arikuzireeba. (Fil 2:3, 4) Yoreka embabazi n’esaasi, kandi teeraho kuhikiiriza obujunaanizibwa bwawe orikuha baro ekitiinisa. Hurikiza gye. (Yak 1:19) Gira okugumisiriza, kandi hamiza ou ori nawe omu bushwere ngu noomukunda. N’obu ou ori nawe omu bushwere araabe atarikukugirira embabazi nari kukuha ekitiinisa nk’oku orikukora, Yehova naakusiima ahabw’okuguma ori omwesigwa.—1Pet 2:19, 20.

MUREEBE VIDIYO YEHOVA NAATUHA AMAANI KUGUMISIRIZA OBUREMEEZI BWAITU, REERO MUGARUKYEMU EBIBUUZO EBI:

Grace Li akaba ari omu mbeera ki omu kubanza obu yaataha omu bushwere?
Niki ekyamuhigire kwega amazima?
Munyaanyazi-itwe Li akagumisiriza ata embeera zigumire bwanyima y’okubatizibwa?
Munyaanyazi-itwe Li akaba ashaba ki aha bikwatiraine na iba?
Ni migisha ki ei munyaanyazi-itwe Li atungire ahabw’okutwaza gye kandi omu muringo gw’ekitiinisa?

‘Yehova Naatuha Amaani Kugumisiriza Oburemeezi Bwaitu,’ okutunguuka kwa Grace Li’s. 1. Grace arikurira. 2. Munyaanyazi-itwe arikwegyesa Grace. 3. Grace n’abaana be nibaruga aha hoteeri yaabo barikuza omu nteerane. 4. Grace ari n’ab’eka ye mwenda bari aha Kyombeko ky’Obukama. — Emitwarize Mirungi n’Okuha Ou ori Nawe omu Bushwere Ekitiinisa Nikibaasa Kumureetera Kukunda Amazima!