Abato​—Mwezirikye Kukora Emirimo Emirungi

Omu baruha ei entumwa Paulo yaahandiikiire Tito, akahandiika ngu abatsigazi, otwariiremu na Tito, baine kuteeraho kuba “eky’okureeberaho omu kukora gye.” (Tit 2:6, 7) Omu shuura niyo emwe, akooreka ngu Yesu akaba naija kweza abaheereza ba Yehova kugira ngu babe ‘abeeziriki omu kukora emirimo emirungi.’ (Tit 2:14) Gumwe aha mirimo mirungi egyo n’okubuurira kandi bakeegyesa ebirikukwata aha Bukama bwa Ruhanga. Waaba ori omuto, noobaasa kukoresa amaani gaawe kuba payoniya omuhwezi nari ow’obutwire?​—Enf 20:29.

Waaba nooyenda kuba payoniya, teeraho kutebeekanisa oku orikubaasa kukikora. (Luk 14:28-30) Nk’eky’okureeberaho, noija kubaasa kutunga ota esente z’okwereeberera waaba ori omu buheereza bw’obutwire? Noija kubaasa ota kuhitsya eshaaha ezirikwetengwa? Shaba Yehova kukuhwera. (Zab 37:5) Noobaasa kugaaniiraho n’abazaire baawe nari baapayoniya aha ntebeekanisa yaawe. Gira eki waakora kubaasa kuhikiiriza ekigyendererwa kyawe. Buzima Yehova naija kukuha emigisha ahabw’okukora n’amaani omu buheereza bwe.

MUREEBE VIDIYO EMINYEETO ABARIKUHA YEHOVA EKITIINISA, REERO MUGARUKYEMU EBIBUUZO EBI:

• Bamwe basingwire buremeezi ki kubaasa kuba baapayoniya, kandi eki babaasize kukikora bata?

• Abazaire nibabaasa kuhwera bata abaana baabo kuba baapayoniya b’obutwire?

• Ahabw’enki kiri kikuru kugira entebeekanisa y’okubuurira?

• Ab’omu kibiina nibabaasa kugaruramu bata baapayoniya amaani kandi bakabahwera?

• Baapayoniya nibatunga migisha ki?