Oku Okuhwera Abahikirweho Ebihikiirizi Kwagasiire Abakristaayo Omuri Caribbean

Nk’oku kyabaire kiri omu kyasha ky’okubanza, n’omu bunaku obu nitubaasa kuhwera ab’eishe-emwe bagyenzi baitu abahikirweho ebihikiirizi. (Yoh 13:34, 35) Mureebe vidiyo Ebikorwa Ebirikworeka Rukundo​—Okuhwera Abahikirweho Ebihikiirizi aha Birwa kubaasa kureeba oku ab’eishe-emwe bahwereire bagyenzi baabo abarikutuura omu kicweka kya Caribbean, bwanyima mugarukyemu ebibuuzo ebi:

• Ab’eishe-emwe omu kicweka kya Caribbean bakakwatwaho bata eihunga rya Irma n’erya Maria?

• Yehova ahwereire ata ab’eishe-emwe omu kicweka kya Caribbean kurabira omu bakristaayo bagyenzi baabo?

• Abaafeereirwe ebintu byabo bakakwatwaho bata rukundo n’obufura bw’ab’eishe-emwe bagyenzi baabo?

• Ni bangahi abeejumbire omu murimo gw’okuhwera ab’eishe-emwe abahikirweho ebihikiirizi omu kicweka kya Caribbean?

• Twena nitubaasa kuhwera tuta ab’eishe-emwe abahikirweho ebihikiirizi?

• Bwanyima y’okureeba vidiyo egi, nooyehurira ota ahabw’okuba omwe aha kibiina eki?