Yesu Akafeera n’Ow’eishe-emwe Mugyenzi Waawe

Yesu akahayo amagara ge ahabw’abantu abatahikiriire. (Rom 5:8) Hatariho kubanganisa twena nitusiima rukundo ei Yesu yaatworekire arikuhayo amagara ge ahabwaitu. Kwonka, obumwe nituba twine kwijuka ngu Kristo akafeera n’ow’eishe-emwe mugyenzi waitu. Nitubaasa kutooreza Kristo tuta tukooreka ngu nitukunda ab’eishe-emwe na banyaanyazi-itwe abatahikiriire nkaitwe? Ka tureebe emiringo eshatu. Ogw’okubanza, nitubaasa kwongyera kugira abanywani tutarikushoroora. (Rom 15:7; 2Kor 6:12, 13) Ogwa kabiri, nitubaasa kuteeraho kwetantara kugamba nari kukora ebirikugwisa kubi abandi. (Rom 14:13-15) Ogw’ahamuheru, omuntu yaatushobeza, nitubaasa kurahuka kumusaasira. (Luk 17:3, 4; 23:34) Twateeraho kutooreza Yesu omu miringo egi, Yehova naija kugumizamu naahwera ekibiina kugira obusingye n’obumwe.

YOREKA VIDIYO YONGYERA KUBA MURUNGI! REERO MUGARUKEMU EBIBUUZO EBI:

• 

  Miki akabanza kugira miteekateekyere ki aha kibiina kye ekisya?

• 

  Niki ekyamureeteire kuhindura aha miteekateekyere ye?

• 

  Eky’okureeberaho kya Yesu kikahwera kita Miki kuhindura aha miteekateekyere ye? (Mak 14:38)

• 

  Ebiri omu Enfumu 19:11 nibituhwera bita kugira emiteekateekyere mirungi aha Bakristaayo bagyenzi baitu?