Okukiza aha Sabato

3:1-5

Ahabw’enki Yesu yaagwirwe kubi ahabw’emitwarize y’abeebembezi b’ediini y’Ekiyudaaya? N’ahabw’okugira ngu bakareetera Sabato kuba omugugu aha bantu ahabw’okwongyeramu ebiragiro ebyabo bingi. Nk’eky’okureeberaho, bakaba batarikwikiriza omuntu kwita rugoongo. Okukiza omuntu kikaba nikiikirizibwa amagara ge gaaba gari omu kabi. Ekirikumanyisa ngu omuntu ku yaabaire ahendeka eigufa nari ryateruka kikaba kitarikwikirizibwa kumutambira ahari Sabato. Buzima, abeebembezi b’ediini bakaba batarikufayo aha mushaija owaabaire akokootsire omukono.