Obwegyese Kuruga Ahari Ruhanga Nibuhezaho Okushoroora

Yehova tarikushoroora. (Byak 10:34, 35) Naayakiira abantu kuruga “omu mahanga goona n’enganda zoona n’abantu boona n’endimi zoona.” (Kush 7:9) N’ahabw’ekyo, omu kibiina Ekikristaayo tihaine kubamu okushoroora nari okwanga bandi. (Yak 2:1-4) Nitwesiima ahabw’okwegyesibwa Ruhanga, hati turi omu paradiso y’eby’omwoyo ahu tureebire abantu nibahindura emitwarize yaabo. (Isa 11:6-9) Twaba nituteeraho n’amaani kweihamu okushoroora kwona okurikubaasa kuba kukiturimu, nitworeka ngu nitutooreza Ruhanga.​—Efe 5:1, 2.

MUREEBE VIDIYO JOHNY NA GIDEON: ABABAIRE BARI ABAZIGU, HATI N’AB’EISHE-EMWE. REERO MUGARUKYEMU EBIBUUZO EBI:

• Ahabw’enki obwegyese kuruga ahari Ruhanga nibukirira kimwe okuteeraho kw’abantu kwihaho okushoroora?

• Niki ekirikukushemeza aha mukago gw’ab’eishe-emwe omu nsi yoona?

• Yehova naahimbisibwa ata twaguma twine obumwe bw’Ekikristaayo?