Yegyesa Amazima

Kutandika na Seputemba, Obuheereza Bwaitu n’Oku Turikutwaza nikaija kuba karimu ekicweka kisya eky’enyanjura z’okukoresa ekirikwetwa “Yegyesa Amazima.” Ekigyendererwa kyaitu nikiija kuba kiri okworeka abantu amazima turikukoresa ekibuuzo n’ekyahandiikirwe.

Twareeba ngu omuntu naayenda kumanya ebirikukiraho, nitubaasa kukora entebeekanisa kugarukayo turikumutsigira eky’okushoma nari turikumworeka vidiyo kuruga aha jw.org. Twine kuteeraho kugarukayo omu biro bikye kwongyera aha bi twagaaniireho. Enyanjura ezi ensya n’embazo z’abeegi niziija kuba niziruga omu kicweka omu bugufu ekiri omu shuura z’akatabo Niki Eki Turikwega omu Baibuli? Nitubaasa kushangamu ebibuuzo ebindi n’ebyahandiikirwe kutuhwera kugarukayo nari kwegyesa abantu Baibuli turikukoresa Baibuli yonka.

Hariho oruguuto rumwe orurikuhitsya omu magara agatahwaho. (Mat 7:13, 14) Obu turikubuurira abantu ab’amadiini gatari gamwe, tushemereire kubuurira amakuru marungi g’omu Baibuli agarikubashemeza. (1Tim 2:4) Twamanya gye ebiri omu Baibuli ‘n’okushoboorora gye ekigambo ky’amazima,’ nitwija kwongyera kushemererwa, kandi nitwija kuba abasinguzi omu kwegyesa abandi amazima.​—2Tim 2:15.