Noobaasa Kuteeraho Kukikora Omwaka Gumwe?

Kuteeraho kukora ki? Kuba payoniya ow’obutwire! Noija kutunga emigisha mingi!​—Enf 10:22.

WAABA PAYONIYA NOIJA . . .

• kwongyera kuba omubuurizi murungi kandi okunde okubuurira

• kwongyera kuhamya omukago gwawe na Yehova. Oku orikweyongyera kugambira abandi ebirikumukwataho, nikwo orikweyongyera kwijuka emitwarize ye ey’amaani

• kutunga okumarwa ahabw’okwebembeza Obukama n’okushemererwa okurikuruga omu kwehayo kuhwera abandi.​—Mat 6:33; Byak 20:35

• kuza omu ruteerane oru omureeberezi orikutaayaayira ebibiina arikugira na baapayoniya, oruteerane rw’omutaano orurikubaho omuri rumwe aha nteerane empango ez’ekiro kimwe, n’orurikubaho aha muheru gw’omwaka gw’obuheereza

• kuba oine omugisha gw’okutandika n’okwegyesa abantu Baibuli

• kumara obwire bwingi ori n’ababuurizi abandi murikugaruranamu amaani. ​—Rom 1:11, 12