Emyaka 100 Ei Obukama Bumazire Nibutegyeka n’Okurengamu

Abarikwenda kuza ahansi y’Obukama bwa Ruhanga baine kwega ebirikukwata aha Bukama obwo n’ebi bukozire. Ahabw’enki? Ahakuba nikihamya okwikiriza kwabo kandi ahabw’okugira ngu nibutegyeka hati, nikibahiga kugambira abandi ebirikubukwataho. (Zab 45:1; 49:3) Mwaba nimureeba vidiyo Emyaka 100 Ei Obukama Bumazire Nibutegyeka n’Okurengamu, sherura eby’okugarukamu by’ebibuuzo ebi:

1. Ahabw’enki turikubaasa kugira ngu abaareebire omuzaano Photo-Drama of Creation” bakagasirwa?

2. Radiyo ekakoresibwa eta kuhitsya aha bantu amakuru marungi?

3. Ni miringo ki endiijo eyaakoresiibwe omu kubuurira amakuru marungi kandi hakarugamu birungi ki?

4. Omutindo gw’okutendeka ababuurizi gweyongyeire guta kuba murungi?

5. Ni kutendekwa ki oku abaagiire omu Gilead baatungire?

6. Oruteerane oruhango orw’ebiro bishatu ruhwereire ruta omu kutendeka abaheereza ba Yehova

7. Niki ekirikukuhamiza ngu Obukama bwa Ruhanga buriyo nibutegyeka?

8. Nitworeka tuta ngu nitushagika Obukama bwa Ruhanga?