Ebimwe Ebirugire omu Buheereza

Kenya: Omuri Gyuraayi bakatunga omubaro musya gw’abeegi ba Baibuli 46,565.

Aha ruteerane oruhango orwa Luo orwabaire omuri Kisumu omu Agusto, ow’eishe-emwe Stephen Lett kuruga aha Kakiiko Akareeberezi akashohoza New World Translation of the Holy Scriptures ey’Ebyahandiikirwe eby’Orugriika byonka eya Luo kandi abantu 2,400 abaabaire bari omu ruteerane oru bakashemererwa munonga. Enteerane ezindi empango zikagaitwa aha ruteerane oru barikukoresa ebyoma ebirikutunguura amaraka kandi abantu abarikurenga 14,000 nibo baabaire aha nteerane ezi.

Sudan: Ripoota ya Gyuraayi ekooreka ngu ababuurizi bakeyongyeraho ebicweka 23 ahari igana waagyeragyeranisa n’omwaka oguhweire.