Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Novemba

“Yetegyereze ekibuuzo eki. [Shoma ekibuuzo ky’okubanza enyima y’Omunaara ogwa Novemba 1.] Iwe nookiteekateekaho ki? [Shoma obucweka bubiri oburi ahansi y’ekibuuzo ekyo n’ekyahandiikirwe nka kimwe aha byorekirwe.] Okaayenzire ngu ngarukye twetegyereze ahabw’enki Yesu yaazoire abantu, n’oku kirikutukwataho?”

Omunaara gw’Omurinzi Novemba 1

“Oreebuurize ahabw’enki ebintu bibi bingi nibibaho? [Tegyereza agarukyemu.] Ebiri omu Okushuuruurwa 12:9 nibyoreka ahabw’enki nibibaho. [Shoma.] Kwonka orunyiriri 12 nirutuhwera kugira amatsiko. [Shoma Okushuuruurwa 12:12.] Ebintu bibi ebirikureetwaho Sitaane nibiija kuhwaho. Ekicweka ekiine omutwe ‘Tushemereire Kutiina Sitaane?’ nikyoreka oku turikubaasa kwerinda kuhabisibwa Sitaane hati n’ekiramubeho omu biro by’omumaisho. Magaziini egi n’eyaawe.”

Awake! Novemba

“Buri omwe naayenda ngu agire okushemererwa, kwonka baingi obunaku obu tibaine kushemererwa. Noogira ngu niki ekirikureeta okushemererwa okwabuzima? [Tegyereza agarukyemu.] Nshangire ngu Baibuli niyo erikutuhwera kugira okushemererwa okwabuzima. Nk’eky’okureeberaho, yetegyereze omusingye gw’omu Baibuli ogu. [Shoma Abaheburaayo 13:5.] Magaziini egi neeyoreka ebintu bina ebikuru kuruga omu Baibuli ebirikureeta okushemererwa okwabuzima.”