Okushoboorora Ebi Turikwikiriza Ahari 1914

Ebyahandiikirwe nibituhiga kuba ‘tweteekateekire kushoboororera omuntu weena’ ebi turikwikiriza “n’obucureezi.” (1 Pet. 3:15) Obumwe nikibaasa kutugumira kushoboororera omuntu amazima g’omu Baibuli agagumire, nk’eky’okureeberaho nitumanya tuta ngu Obukama bukatandika kutegyeka omuri 1914. Kubaasa kutuhwera ekicweka “Okugaaniira n’Omutaahi​—Obukama bwa Ruhanga Bukatandika Kutegyeka Ryari? kitebeekanisiibwe omu bicweka bibiri. Ekicweka ekimwe nikiija kwizira omu Watchtower eya Okitoba kandi ekindi omu ya Novemba ei turikukoresa omu kubuurira. Waaba nooshwijuma ebicweka ebi, teekateeka aha bibuuzo ebi ebirikukwata aha ku omubuurizi Cameron yaatwarize.

Akabaasa . . .

• kutandika ata okugaaniira arikukoresa okusiima?​—Byak. 17:22.

• kworeka ata obucureezi arikushoboorora ebi arikwikiriza?​—Byak. 14:15.

Ahabw’enki kyabaire kiri kirungi . . .

• kuguma naabanza kwihayo enshonga enkuru atakagiire aha ndiijo?

• kuguma naahunamamu kandi akabuuza ou arikubuurira yaaba naayetegyereza ebi arikumushoboororera?

• kutagamba aha bintu bingi omurundi gumwe?​—Yoh. 16:12.

Ka nitusiima Yehova, ‘Orikutwegyesa’ oku turikubaasa kuhwera abaine enjara y’amazima g’omu Baibuli agagumire!​—Isa. 30:20.