Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Seputemba

“Abantu baingi nibaikiriza ngu hariho baamaraika. Naiwe noikiriza ngu bariho? [Tegyereza agarukyemu.] Ahabw’okugira ngu n’ebihangirwe by’omwoyo baine amaani maingi, kwonka nooteekateeka ngu nibabaasa kutuhwera? Baibuli neetworeka oku barikuhwera abantu obunaku obu.” Mworekye ebiri enyima y’Omunaara gw’Omurinzi ogwa Seputemba 1, kandi muhikaanise ebiteekateeko aha biri ahansi y’ekibuuzo eky’okubanza, mushome n’ekyahandiikirwe nka kimwe aha byorekirwe. Muhe na Awake! kandi okore entebeekanisa kugarukayo mugarukyemu ekibuuzo ekirikukurataho.

Omunaara gw’Omurinzi™ Seputemba 1

“Nooteekateeka ngu abantu nibaija kushiisha ensi ebe etakigaruka kubonezibwa? [Tegyereza agarukyemu.] N’obu abantu baraabe batarikubaasa kuboneza ensi ei basiisire, Baibuli neegira ngu Ruhanga naabaasa, kandi aine ekihika ky’okugiboneza. Zaaburi 65:9 neehamya ekyo. [Kishome.] Omunaara gw’Omurinzi ogu nigworeka oku Ruhanga araaboneze ensi, n’eki twine kukora kubaasa kutunga emigisha egyo omu biro by’omumaisho. Nimbaasa kugikutsigira ogishome?”

Awake! Seputemba

“Baingi nibateekateeka ngu bakama baabo nibabahenza emirimo, kandi nibeereeba nk’abatarikubaasa kuruga omu mbeera egyo. Abahangu nibagira ngu okukora emirimo mingi nikireetera omuntu kuruha munonga, ekirikubaasa kuba eky’akabi aha magara ge. Nooteekateeka ngu niki ekirikubaasa kuhwera omuntu kugira emiteekateekyere etagwereire rubaju? [Tegyereza agarukyemu.] Aha hariho Ekyahandiikirwe eki orikubaasa kuteekateekaho. [Mushomere Omubuurizi 4:6.] Magaziini egi neeyoreka ebintu bina ebirikubaasa kuhwera omuntu kutaruha munonga aha murimo.”