Vidiyo Ensya ey’Okukoresa Kutandika Kwegyesa Abantu Baibuli
Vidiyo ngufu eine omutwe “Why Study the Bible?” neebaasa kureebwa abantu baingi aha jw.org. Vidiyo egi etebeekanisiibwe kuhiga abantu abarikwenda kumanya ebirikukiraho kukunda kwega naitwe Baibuli hatariho kushashura. Noobaasa kureeba vidiyo egi orikwimata ahari “Shaba Kwegyesibwa Baibuli” ah’okubanza aha jw.org nari koresa QR code (enamba erikutuhwera kurahuka kuhika aha Mukura gwaitu) eri enyima ya buri turakiti ensya. Ahaifo hariho emiringo erikubaasa kutuhwera kukoresa gye vidiyo egi.
Waagarukayo aha muntu orikwenda kumanya ebirikukiraho, mugire oti: “Okaayenzire ngu nkworekye vidiyo ngufu erikushoboorora oku orikubaasa kutunga eby’okugarukamu by’ebibuuzo byawe ebirikukwata aha Baibuli?” Ku araikirize, mworekye vidiyo orikukoresa esimu yaawe nari kompyuta ye.
Waaba noobuurira okagaba emwe ahari turakiti ensya, oshemereire kworeka omuntu QR code eri enyima ya turakiti kugira ngu yaaba aine ekirikumubaasisa kukoresa Intaneeti areebe vidiyo egi. Obu omu ndimi nyingi QR code erikukutwara ahu vidiyo egyo eri aha Mukura, noobaasa kukoresa esimu yaawe nari kyona ekirikukubaasisa kugireeba.
Gambira abu orikukora nabo, abu orikushoma nabo, abanyabuzaare, n’abanywani baawe boona ebirikukwata aha vidiyo egi, kandi obashabe kugiboreeka. Nari oboherereze obutumwa oburaabahwere kuhika ahu vidiyo egi eri aha mukura, kandi obashabe kuteeraho kugireeba.
Turikukoresa omuringo musya ogu, nitubaasa kutandika kwegyesa abantu baingi Baibuli, turikuhwera abaraije kutunga “amagara agatahwaho.”—Byak. 13:48.