Gamba Ahari Kimwe aha Biri omu Magaziini Emwe Reero Omuhe Zombi

Omu magaziini zaitu harimu bingi ebirikushemeza. Omu mwanya gw’okubigambaho byona twaba nitubuurira ni kirungi kugamba aha mutwe gumwe gwonka. Twaba nitumanya gye ebiri omu magaziini nitubaasa kugamba aha biri omu Watchtower nari Awake! ebiraashemeze ou turikubuurira. Nk’eky’okureeberaho, twareeba ebi abaana barikuzaanisa omu nju nari aheeru, nitubaasa kugamba aha mutwe ogurikukwata aha maka. Twashanga omushaija omuka nitubaasa kumubuurira aha bikwatiraine n’ebi abashaija barikukunda, nka gavumenti enungi. N’obu oraahikaanise ebiteekateeko n’ou orikubuurira aha mutwe gumwe, oshemereire kumuha magaziini zombi ku araabe naayenda kumanya ebirikukiraho.