Ebimwe Ebirugire omu Buheereza

Kenya: Novemba 2011 kukaba okwezi kurungi ahakuba hakabamu emibaro misya. Ebitabo 52,984 nibyo byagabirwe kandi abantu 45,374 nibo baayegyesiibwe Baibuli, omubaro ogurikukira ababuurizi boona emirundi nk’ebiri. Okuteeraho kw’ebibiina na baapayoniya kugaba ebitabo ebikuru, kukongyera munonga aha mubaro gw’ebitabo ebyagabirwe omuri Novemba.

Uganda: Ababuurizi 5,606 bakeegyesa Baibuli abantu 15,144 omuri Novemba 2011. Eki nikyoreka ngu omubaro gw’ababuurizi gukeyongyeraho ebicweka 8 ahari 100 kandi abeegi ba Baibuli bakeyongyeraho ebicweka 10 ahari 100 waagyeragyeranisa na Novemba 2010. Buzima, abantu ba Yehova nibejumbira kimwe omu murimo ogu ogurareetere abantu kutunga amagara agatahwaho.—1 Tim. 4:16.