Karenda eya 2011 Neekwata aha Kuramya kw’Eka

Okuramya kw’Eka nigwo mutwe gwa 2011 Calendar of Jehovah’s Witnesses. Karenda egyo eriho ebishushani by’amaka ag’omu bunaku obu n’ago agarikugambwaho omu Baibuli. Kandi erimu n’ebishushani by’abaheereza ba Yehova abari omu bushwere n’abatakabugiiremu barikwega Ekigambo kye.

Abarikugambwaho omu Baibuli abari aha karenda egyo, bakaba nibakunda ebiragiro bya Yehova kandi ekyo kikaba kibahwera kwemera oburemeezi bw’omutaano obwabaire bubahikaho. (Zab. 1:2, 3) Yaaba turi omu ka mpango nari nkye, yaaba twena turi omu mazima nari abamwe omu ka yaitu batagarimu, okwetegyereza ebishushani ebyo, nikwija kutwijutsya obukuru bw’Okuramya kw’Eka. Ahari egyo karenda hariho omwanya ogu orikubaasa kuhandikaho eizooba erimutooraine kugiriraho Okuramya kw’Eka. Warihandiikireho?