Ebi Turikubaasa Kugamba Turikugaba Zaamagaziini

The Watchtower Desemba 1

“Omu kwezi oku, abantu baingi nibakuza okuzaarwa kwa Yesu barikugira ngu nibiihirira aha birikugambwaho omu Kyahandiikirwe eki. [Shoma Matayo 2:1, 11.] Waayetegyereza entaaniso eri ahagati y’ebi Baibuli erikugamba ebyabaireho n’ebyo ebi abantu barikukora baaba nibakuza okuzaarwa kwa Yesu? [Tegyereza agarukyemu.] Ebiri ahansi y’omutwe ogu nibishoboorora aha byabaireho byenyine.” Mworekye ebirikutandikira aha rupapura 31.

Awake! Desemba

“Ninkushaba ongambire eki orikuteekateeka aha bigambo bya Yesu ebi. [Shoma Matayo 5:3.] Obu hariho amadiini maingi gatarikushushana, nooteekateeka ngu ni kikuru oku turikucwamu kwigutsa ekyetengo kyaitu eky’eby’omwoyo? [Tegyereza agarukyemu.] Ebiri ahansi y’omutwe ogu nibyoreka eki Baibuli erikugamba aha ku turikubaasa kutunga okumarwa omu by’omwoyo.” Mworekye ebirikutandikira aha rupapura 12.

The Watchtower Jenwari 1

“Amadiini nigegyesa ebitarikushushana aha bikwatiraine n’amaarwa. Nooteekateeka ngu Ruhanga okunywa amaarwa naakureeba ata? [Tegyereza agarukyemu.] N’obu Baibuli eraabe neegira ngu eizooba rimwe Yesu akakora eky’okutangaaza yaahindura amaizi viinyo, neegaruka egira eti. [Shoma Enfumu 23:20a.] Magaziini egi neeyoreka oku Baibuli erikugamba aha maarwa etarikugwera rubaju.”

Awake! Jenwari

“Omu biro ebi ebigumire, abantu nibakora ekirenga kandi nibeerarikirira munonga. Naiwe obumwe nikikubaho? [Tegyereza agarukyemu.] Yetegyereze obuhabuzi burungi obu. [Shoma Omubuurizi 4:6.] Magaziini egi neshoboorora oku turikubaasa kuringaaniza emirimo, okureeberera ab’omu maka gaitu n’okuhumuraho. Kandi neeha n’obuhabuzi abo abarikusherura emirimo.”