Ebi Turikubaasa Kugamba Turikugaba Zaamagaziini

The Watchtower Okitoba 1

“Abantu baingi obunaku obu tibakikiririza mu Muhangi. Nooteekateeka ngu ekirikureeta ekyo niki? [Tegyereza agarukyemu.] Ekyahandiikirwe eki nikyoreka enshonga emwe erikubaasa kuba neereeta ekyo. [Shoma Habakuuki 1:2, 3.] Ebiri ahansi y’omutwe ogu nibihwera omu kugarukamu ebibuuzo ebirikukwata ahari Ruhanga ebireetaire abantu kutamwikiririzamu.” Mworekye ebirikutandikira aha rupapura 11.

Awake! Okitoba

“Noikiriza ngu ebiro ebi, amaka garimu oburemeezi bwingi? [Tegyereza agarukyemu.] Abantu baingi tibarikumanya obuhabuzi oburikukora oburi omuri Baibuli. Aha hariho obuhabuzi. [Mushomere kimwe aha byahandiikirwe ebiri omuri magaziini egyo.] Awake! egi ey’omutaano neeyoreka oku emisingye ya Baibuli erikubaasa kuhwera amaka kwemera oburemeezi bw’emiringo mingi.”

The Watchtower Novemba 1

“Nooteekateeka ngu byona ebirikwegyesibwa omu makanisa nibiruga omuri Baibuli? [Tegyereza agarukyemu.] Baibuli neeturabura kwegyendesereza kugira ngu tutahabisibwa ebishuba. [Shoma Abakolosai 2:8.] Magaziini egi neeyoreka enyegyesa mukaaga ezitarikuhikaana n’ebiri omu Kigambo kya Ruhanga.”

Awake! Novemba

“Omu bunaku obu abantu baingi baine esimu na kompyuta. Nooteekateeka ngu okukoresa ebintu nk’ebyo nikurahutsya emirimo nari? [Tegyereza agarukyemu.] Abantu baingi nibaikirizana n’okuhiga oku aha bikwatiraine n’okukoresa gye obwire. [Shoma Abaefeso 5:15, 16.] Magaziini egi neegamba aha ku turikubaasa kukoresa gye ebintu nk’ebyo tutarikubimariraho obwire bwingi.”