Ebirango

◼ Ebitabo by’okugaba omuri Okitoba: The Watchtower na Awake! Abaraayorekye ngu nibenda kumanya ebirikukiraho, gaaniira nabo aha biri omu kaaturakiti Nooyenda Kumanya Amazima? Abu murikubuurira baaba baakatungire, muteereho kutandika kubeegyesa Baibuli. Novemba: Akatabo Niki Eki Baibuli Buzima Erikwegyesa? Ou orikubuurira ku araabe yaakatungire, noobaasa kumuha akatabo Ramya, nari Okumanya, nari akandi koona ak’empapura 192 omu buteirwe aha mpapura ezirikusiibuuka, nari obwateirwe omwaka 1995 gutakahikire. Noobaasa n’okugaba akatabo Natwenza Ki? Desemba: The Greatest Man who ever Lived. Abaraabe baine abaana, noobaasa kubaha, Learn From the Great Teacher. Jenwari: Niki Eki Baibuli Buzima Erikwegyesa? Ou orikubuurira yaaba yaakatungire, noobaasa kumuha akatabo Okumanya, Ramya, Natwenza Ki? nari akandi koona ak’empapura 192 omu buteirwe aha mpapura ezirikusiibuuka, nari obwateirwe omwaka 1995 gutakahikire.

◼ Entebeekanisa y’Eishomero ey’omwaka gwona tekigaruka kuteebwa aha kapapura ak’omunda aka Obuheereza Bwaitu obw’Obukama aka Okitoba. Kureka, buri kibiina nikiija kutunga entebeekanisa y’eishomero ey’omwaka gwona, kopi emwe ey’entebeekanisa egyo eshemereire kuhanikwa ahu amabaruha g’ekibiina garikuhanikwa omu Kyombeko ky’Obukama. Kopi endiijo neija kutwarwa omureeberezi orikwebembera ishomero ebaase kumuhwera omu kutoorana abu araahe embazo. Ababuurizi nibaija kuguma nibatunga kopi eya buri kwezi kurabira omu Obuheereza Bwaitu obw’Obukama, kandi neija kuba erimu entebeekanisa eya buri saabiiti ey’Okwega Baibuli okw’Ekibiina, ey’Eishomero ry’Obuheereza hamwe n’ey’Oruteerane rw’Obuheereza.

◼ Okutandika na saabiiti eya Maaci 1, 2010, nitwija kutandika kwega akatabo “Come Be My Follower” omu Kwega Baibuli okw’Ekibiina. Ebibiina ebirikwetenga akatabo aka bishemereire kukashaba omu kushaba ebitabo okurakurateho.