Akabokisi K’ebibuuzo

◼ Kihikire ebibiina nari abantu kukoresa obumanyiso oburikukoresibwa Ekibiina ky’Abajurizi ba Yehova?

Akamanyiso n’eiziina eririkuhwera ekintu kurahuka kumanywa. Akamanyiso ka Watch Tower nikajwekyera Watch Tower Bible and Tract Society of Pennsylvania n’obundi bumanyiso oburikukoresibwa ekibiina. Ekibiina Ekikristaayo eky’Abajurizi ba Yehova nikikoresa ekishushani kya Baibuli eyigwire eri aha mutwe gw’empapura ezi bo barikuhandikaho amabaruha. Ekibiina ky’Abajurizi ba Yehova nikikoresa obumanyiso butarikushushana omu mahanga gatari gamwe.

Tihaine oshemereire kukoresa obumanyiso nari amaziina g’ebigombe aha Byombeko by’Obukama, aha mabaruha hamwe n’aha bintu ebindi, agu ekibiina kirikukoresa. Okukoresa obumanyiso obwo nikibaasa kubuzabuza abantu abarikukora omu ofiisi zaagavumenti, ababuurizi nari abandi aha bikwatiraine n’oku ekibiina kya Yehova kirikukoresa obumanyiso obwo. Kandi ebihandiiko ebiriho obumanyiso obwo nibibaasa kureebwa nk’ebirikuruga aha ofiisi enkuru ey’Abajurizi ba Yehova nari aha ofiisi y’eitaagi.

Akamanyiso ka Watch Tower, nari akandi akarikushushana nako, tikashemereire kukoresibwa aha Byombeko by’Obukama ebirayombekwe n’obu Ebyombeko ebyo byakuba nibireebererwa Watch Tower. Ebibiina ebiine Ebyombeko by’Obukama ebiriho obumanyiso obwo tibirikwetenga kubuhindura ahonaaho, obu empindahinduka ezo zirikubaasa kutwara obwire bwingi, amaani n’esente nyingi n’okuhindura ebintu bingi. Kwonka bushemereire kuhindurwa hatariho bingi ebiine kuhindurwa. Kwonka kyaba nikitwariramu okuhindura ebintu bingi nikibaasa kukorwa Ekyombeko ekyo kyaba nikihunduuzibwa.