“Mwerindire omu Kukunda kwa Ruhanga”
1. Akatabo “Mwerindire omu Kukunda kwa Ruhanga” kateirwe ahabwa kigyendererwa ki?
1 Ka twine ekihika ky’okwega ebiri omu katabo akasya “Mwerindire omu Kukunda kwa Ruhanga” omu Kwega Baibuli okw’Ekibiina kutandika na saabiiti eya Febwari 23! Ebaruha eri omu katabo aka ei akakiiko akareeberezi kahandiikire buri muntu orikukunda Yehova neehendera n’ebigambo ebi: “Twine amatsiko ngu akatabo aka nikaija kukuhwera kugumizamu noogyendera aha mazima omu magara gaawe, otyo oyerindire omu ‘kukunda kwa Ruhanga . . . oine amatsiko g’amagara agatahwaho.’—Yuda 21, NW.”
2. Akatabo aka nikaija kutuhwera mu nshonga ki?
2 Ebirimu Ebi Twine Kugirira Ekihika: Ni misingye ki ya Baibuli ei turikubaasa kugyenderaho erikukwata aha by’okweshemeza, okworobera abaine obushoboorozi, emicwe, obushwere, emigambire, hamwe n’emigyenzo? Omuntu waitu ow’omunda naija kutendekwa kurugiirira aha mitindo y’okuhikiirira erikworekwa omu Kigambo kya Ruhanga. (Zab. 19:7, 8) Oku turikwetegyereza emiteekateekyere ya Yehova ku kurayeyongyere, nitwija kugira ekyetengo ky’okumushemeza kandi eki nikiija kutuhiga kumworobera omu bi turikukora byona.—Enf. 27:11; 1 Yoh 5:3.
3. Ahabw’enki tushemereire kuteeraho buri saabiiti kwejumba omu Kwega Baibuli okw’Ekibiina?
3 Mariirira Kwejumba omu Kwega Akatabo Aka: Waaba nootebeekanisa, gira ekigyendererwa ky’okuhimbisa Ruhanga ori n’abantu be abeteeraine hamwe. (Heb. 13:15) Ab’omu kibiina nibaija kwegyera hamwe ebiri omu katabo aka akasya. Ahabw’okugira ngu nitwija kuba nitwega obucweka bukye buri saabiiti, nikiija kutubaasisa kutebeekanisa gye, n’obwesigye tubaase kubagana n’abandi ebi twegire. Eby’okugarukamu byaitu bigufu kandi ebitebeekaniise gye, nibiija kuhiga abandi kugira rukundo n’okukora ebirungi, ekiratureetere kuhikaanisa ebiteekateeko twine omuhimbo. (Heb. 10:24) Kandi, okushemererwa kwaitu nikwija kweyongyera turikugamba aha bi turikwikiriza.
4. Ahabw’enki ni kikuru ngu tworobere ebiragiro bya Yehova?
4 Omu kiro kye ekyahereerukireyo aha omu nsi nk’omuntu, Yesu akakwatanisa okworobera ebiragiro bya Yehova n’okuguma omu kukunda kwa Ruhanga. (Yoh. 15:10) Turikuhwerwa akatabo ‘Okukunda kwa Ruhanga,’ nitwija kumariirira okukira oku kiraabaire kugyendera aha misingye ya Baibuli omu bi turikukora byona kandi ‘twerindire omu kukunda kwa Ruhanga.’—Yuda 21.