Ebirango

◼ Ebitabo ebi turaagabe omuri Jenwari: Akatabo Niki Eki Baibuli Buzima Erikwegyesa? Abaraabe baatungire akatabo aka, ababuurizi nibabaasa kubaha akatabo koona ak’empapura 192 omu butairwe aha mpapura ezirikusiibuuka, obwateirwe omwaka 1992 gutakahikire. Febwari: Mugabe kamwe ahari obu bwaba buriho, Is There a Creator Who Cares About You?, The Bible​—God’s Word or Man’s? nari The Secret of Family Happiness. Maaci: Akatabo Niki Eki Baibuli Buzima Erikwegyesa? Muteereho kutandika kwegyesa abantu Baibuli. Apuri na Mei: Watchtower na Awake! Twagarukayo kutaayaayira abarikwenda kumanya ebirikukiraho, otwariiremu n’abo abarikwija aha Kiijutsyo n’abandi abarikwija omu nteerane ezindi kwonka abatarikukira kwija, tute omutima aha kugaba akatabo Niki Eki Baibuli Buzima Erikwegyesa? Ekigyendererwa kishemereire kuba okutandika kubeegyesa Baibuli turikukoresa akatabo ako.

◼ Kutandika na saabiiti y’okubanza omuri Maaci, orubazo rwa boona oruraabe niruheebwa abareeberezi abarikutaayaayira ebibiina nirwija kuba rwine omutwe “Yanga Emiteekateekyere Y’ensi, Osherure eby’Obukama.”

◼ Ebibiina bishemereire kukora entebeekanisa okugira Ekiijutsyo omwaka ogu aha Rwakana, Apuri 9, eizooba ryaheza kurenga. Buri kibiina kishemereire kuteeraho kugira Ekiijutsyo okwakyo. Ei ebibiina bingi birikukoresa Ekyombeko ky’Obukama kimwe, obundi ekibiina kimwe nari bibiri nibibaasa kusherura omwanya ogundi ahi biraagirire Ekiijutsyo omwabazyo ogwo. Kyaba nikibaasika, rwagati ya zaapuroguramu habeho edakiika 40 kugira ngu boona babaase kugaaniira bwanyima y’Ekiijutsyo.