Ebi Turikubaasa Kugamba Turikugaba Zaamagaziini
The Watchtower Agu. 1
“Noikiriza ngu okworobera ekiragiro kya Yesu eki nikibaasa kwongyera okushemererwa omu maka? [Mushomere Yohaana 13:34, reero otegyereze agarukyemu.] Ebiri ahansi y’omutwe ogu nibyoreka oku buri omwe omu ka arikubaasa kuta omu nkora enyegyesa za Yesu n’okukuratira eky’okureeberaho kye.” Mworekye ebiri aha rupapura 16 na 17.
Awake! Agu.
“Nooteekateeka ngu obutegyeki bw’abantu nibubaasa kuhezaho oburemeezi bw’okweyongyera kw’obutagatsi bw’ensi? [Tegyereza agarukyemu, reero omushomere Yeremia 10:23.] Ebiri ahansi y’omutwe ogu nibiza kukushemeza. Nibyoreka oku Ruhanga araije kumaraho ebirikushiisha ensi yaitu.”
The Watchtower Sebut. 1
“Abantu baingi nibamanya ebigambo bya Yesu ebiri omuri Matayo 6:9. [Bimushomere.] Kwonka, baingi nikibagumira kwirira haihi Ruhanga nka Ishebo. Nooteekateeka ngu nitubaasa tuta kwirira haihi Ruhanga? [Tegyereza agarukyemu.] Magaziini egi neyoreka emitwarize mingi ya Tataitwe ow’omu iguru n’oku buzima turikubaasa kumumanya gye.”
Awake! Sebut.
“Okuruga ira, abantu batwire batarikwikirizana aha kirikubaho bwanyima y’okufa. Iwe ekyo nookigambaho ki? [Tegyereza agarukyemu.] Yetegyereze eki Yobu yaabaire naikiriza. [Mushomere Yobu 14:14, 15.] Ebiri ahansi y’emitwe egi nibyoreka eki Baibuli erikugamba aha kirikubaho bwanyima y’okufa.”