Ebi Turikubaasa Kugamba Turikugaba Zaamagaziini

The Watchtower Gyur. 1

“Nooteekateeka ngu nikibaasika abantu okugira omukago guhamire na Ruhanga ow’Obushoboorozi bwona? [Tegyereza agarukyemu, reero omushomere Ebyakozirwe 17:27.] Ebiri ahansi y’omutwe ogu nibyoreka enshonga ahabw’enki nitubaasa kuhamya ngu Ruhanga naayenda tugire omukago nawe.” Mworekye ebirikutandikira aha rupapura 10.

Awake! Gyur.

“Eby’okweshemeza bingi ebiriho omu bunaku obu birimu eby’obufumu. Nooteekateeka ngu okwejumba omu by’obufumu ti ky’akabi? [Tegyereza agarukyemu, reero omushomere Eky’Ebiragiro 18:10-12.] Ebiri ahansi y’omutwe ogu nibyoreka eki Baibuli erikugamba aha kabi akari omu by’obufumu.” Mworekye ebirikutandikira aha rupapura 10.

The Watchtower Agu. 1

“Enshonga ezirikukwata aha kusiisikara kw’obuhangwa zireetaire baingi kwerarikirira aha birikwija kuhika aha nsi omu biro by’omumaisho. Iwe ekyo nookiteekateekaho ki? [Tegyereza agarukyemu, reero omushomere Zaaburi 37:11.] Magaziini egi neeyoreka enshonga z’omu Byahandiikirwe ezirikutureetera kugira amatsiko aha biro by’omumaisho.”

Awake! Agu.

“Abantu baingi nibaikiriza ngu obutagatsi bw’ensi oburikweyongyera kukanya nibureeta akabi aha byahangirwe ebiine amagara ebiri omu nsi. Nooteekateeka ngu enshonga egi neija kushoboororwa eta? [Tegyereza agarukyemu, reero omushomere Isaaya 11:9.] Magaziini egi neeha enshonga ahabw’enki tushemereire kugira obwesigye ngu ensi egi neija kugumizamu kutuurwamu abantu.”