Ebirango

◼ Ebitabo ebi turaagabe omuri Maaci: Niki Eki Baibuli Buzima Erikwegyesa? Teeraho kutandika kwegyesa abantu Baibuli. Apuri na Mei: The Watchtower na Awake! hamwe n’akatabo Ramya Ruhanga Omwe ow’Amazima. Teeraho kutandika kwegyesa omuntu Baibuli orikukoresa akatabo Ramya Ruhanga, namunonga bamwe aha bu orikwegyesa Baibuli baaba baaherize kwega akatabo Eki Baibuli Erikwegyesa n’akatabo Ruhanga Naatwenza Ki?. Gyuni: Akatabo Niki Eki Baibuli Buzima Erikwegyesa? Teeraho kutandika kwegyesa abantu Baibuli.

◼ Ababuurizi bashemereire kuheebwa Watchtower na Awake! ensya zaaheza kuhika omu kibiina. Eki nikiija kubabaasisa kwetegyereza ebizirimu batakatandikire kuzigaba.

◼ Otoorainwe orikwebembera akakiiko k’abareeberezi ashemereire kubara ebitabo by’empiiha z’ekibiina eby’okwezi kwa Desemba, Jenwari na Febwari. Omuntu omwe, tashemereire kukoresibwa omu kubara ebitabo emirundi mingi ekurataine. Eki kyaheza kukorwa, kishemereire kurangwa omu kibiina obwo ripoota y’eby’empiiha z’ekibiina eraakurateho yaaheza kushomwa.​—Reeba Instructions for Congregation Accounting (S-27).

◼ Oruteerane oruhango orw’ebiro bishatu orwa 2008 rwine omutwe “Okwebemberwa Omwoyo gwa Ruhanga.” Obuheereza Bwaitu obw’Obukama aka Gyuni nikaija kworeka omu bwijwire ebiraatuhwere kwetebeekanisa kuba omu ruteerane orwo oruhango ebiro bishatu byona. Ku oraabe nooyetenga kushaba orusa aha murimo kugira ngu obe omu ruteerane orwo ebiro byona bishatu, oteziringa kukikora.