Ebirango

◼ Ebitabo ebi turaagabe omuri Jenwari: Akatabo koona ak’empapura 192 nari akatabo koona akaatairwe omwaka 1991 gutakahikire. Ebibiina ebitaine obutabo obwo nibibaasa kugaba akatabo Okumanya nari Mugume Nimureeba! Febwari: Akatabo The Secret of Family Happiness nari Okumanya. Maaci: Niki Eki Baibuli Buzima Erikwegyesa? Teeraho kutandika kwegyesa omuntu Baibuli. Apuri: na Mei: Watchtower na Awake! Teeraho kutaayaayira abaizire aha Kiijutsyo n’okuhurikiza orubazo orw’omutaano omurundi gw’okubanza, abarikwenda kumanya ebirikukiraho, kwonka abatarikukira kwija omu nteerane. Ekigyendererwa ky’okutaayaaya nk’okwo n’okutandika kwegyesa Baibuli abo abatakatandikire kugyega.

◼ Obu Maaci erimu wiikenda itaano eziijwire, nikubaasa kuba okwezi kurungi okw’okukoreramu nka payoniya omuhwezi.

◼ Okutandika na Febwari, okutarenzya Maaci 2, orubazo rusya orw’abareeberezi abarikutaayaayira ebibiina nirwija kuba rwine omutwe “Ni Nkahi Ei Orikubaasa Kwiha Obuhwezi omu Bwire bw’Oburemeezi?”

◼ Ebibiina bishemereire kukora entebeekanisa z’omukoro gw’Ekiijutsyo eky’omwaka ogu oguribaho aha Rwamukaaga, Maaci 22, bwanyima y’eizooba kurenga. N’obu orubazo ruraabe nirubaasa kutandika bukiri kare, kwonka okurabyamu omugaati na viinyo tikushemereire kutandika eizooba ritakarengire. Muhamye obwire obu eizooba omu kicweka kyanyu ririkurengyeramu. Buri kibiina kishemereire kuteeraho kugira Ekiijutsyo okwakyo. Kwonka obumwe, eki tikirikubaasika. Ebibiina bingi byaba nibikoresa Ekyombeko ky’Obukama kimwe, obundi ebibiina ebindi nibibaasa kusherura ahandi ahi biraagirire omukoro gw’Ekiijutsyo omu mwabazyo ogwo. Ei kirikubaasika, nitubashaba ngu habeho omwanya gutari hansi y’edakiika 40 abandi batakatahiremu kugira ngu boona bagasirwe omu kugaaniira okurikubaho bwanyima y’Ekiijutsyo. Mushemereire kuteekateeka aha mwijuzo gw’ebiiruka n’ai birikwemerera, oteebirwe n’abo abarikureeta abantu n’abarikwija kubaakiira. Akakiiko k’abareeberezi kashemereire kukora entebeekanisa eziraakore gye omu kibiina kyabo.

◼ Abahandiiki b’ebibiina bashemereire kuhamya ngu baine ebaruha erikwetwa Pioneer Appointment (S-202) eya buri payoniya omu kibiina. Baaba batagiine, bamanyise ofiisi y’eitaagi omu buhandiikye.

◼ Okutandika na saabiiti eya Agusto 4, 2008, nitwija kwega akatabo Live With Jehovah’s Day in Mind omu Okushoma Ekitabo okw’Ekibiina.